കാഞ്ഞങ്ങാട്: ഡി.വൈ.എഫ്.ഐ കാഞ്ഞങ്ങാട് ബ്ലോക്ക് കമ്മിറ്റി സംഘടിപ്പിച്ച അഖിലേന്ത്യാ സെവന്‍സ് ഫുട്‌ബോള്‍ ടൂര്‍ണമെന്റ് കെ സെവന്‍സ് സോക്കര്‍ ഫൈനലില്‍ മൊട്ടമ്മല്‍ ബ്രദേഴ്‌സ് ജേതാക്കളായി. ദുര്‍ഗാ ഹയര്‍സെക്കന്‍ഡറി സ്‌കൂള്‍ സ്റ്റേഡിയത്തില്‍ നടന്ന ടൂര്‍ണമെന്റില്‍ എഫ്.സി അരയാല്‍ അതിഞ്ഞാലിനുവേണ്ടി കളിച്ച ഹിറ്റാച്ചി തൃക്കരിപ്പൂരാണ് റണ്ണേഴ്‌സ്അപ്പ്( 2-1).  
നേരത്തെ പി കരുണാകരന്‍ എം.പി, നഗരസഭാ ചെയര്‍മാന്‍ വി.വി രമേശന്‍, ഡി.വൈ.എഫ്.ഐ ജില്ലാ സെക്രട്ടറി കെ മണികണ്ഠന്‍, പ്രസിഡന്റ് ശിവജി വെള്ളിക്കോത്ത്, സംഘാടസമിതി ചെയര്‍മാന്‍ എം പൊക്ലന്‍ എന്നിവര്‍ കളിക്കാരുമായി പരിചയപ്പെട്ടു. ഏറ്റവും മികച്ച ഗോള്‍ കീപ്പറായി തമിഴ്‌നാട് സന്തോഷ്‌ട്രോഫിതാരം മൊട്ടമ്മലിനായി കളിച്ച സബിനേഷും മികച്ച സ്റ്റോപ്പറായി സന്തോഷ് ട്രോഫിതാരം ബിജുകുമാറിനെയും തിരഞ്ഞെടുത്തു.  
ഫൈനലില്‍ ആദ്യഗോളടിച്ച വൈശാഖ്, രണ്ടാം ഗോളടിച്ച ജോസ് എന്നിവര്‍ക്ക് പ്രത്യേക സമ്മാനങ്ങള്‍ നല്‍കി.
ഫൈനലിലെ മികച്ച കളിക്കാരന്‍ മൊട്ടമ്മലിന്റെ ദീപകാണ്. പി കരുണാകരന്‍ എം.പി ട്രോഫികള്‍ സമ്മാനിച്ചു.