ഉദുമ: കേരളാ സര്‍ക്കാരിന്റെ നിര്‍ദിഷ്ട വനിതാശിശു വികസന വകുപ്പ് ഉടന്‍ പ്രവര്‍ത്തനം ആരംഭിക്കണമെന്നും സാംസ്‌കാരിക രംഗത്ത് സ്ത്രീകള്‍ക്ക് കൂടുതല്‍ അവസരങ്ങള്‍ നല്‍കണമെന്നും വനിതാ സാഹിതി ഉദുമ ഏരിയ രൂപീകരണ സമ്മേളനം ആവശ്യപ്പെട്ടു. പു.ക.സ. ഏരിയ സെക്രട്ടറി ജി അംബുജാക്ഷന്‍ ഉദ്ഘാടനം ചെയ്തു. കെ കസ്തൂരി അധ്യക്ഷയായി. കെ സരോജിനി, വിനോദ്കുമാര്‍, അബ്ബാസ്, യൂസുഫ്, കെ രമ്യ, പ്രേമലത മീത്തല്‍ സംസാരിച്ചു. ഭാരവാഹികള്‍: കെ കസ്തൂരി (പ്രസിഡന്റ്). പ്രേമലത മീത്തല്‍ (സെക്രട്ടറി).