കാക്കനാട്:  കേരള ബുക്‌സ് ആന്‍ഡ് പബ്‌ളിക്കേഷന്‍ സൊസൈറ്റി(കെ.ബി.പി.എസ്) വളപ്പില്‍ നിന്ന് തേക്ക് ഉള്‍പ്പെടെ 395 മരങ്ങള്‍ വെട്ടിക്കടത്തിയതില്‍ പ്രതിഷേധിച്ച് വ്യാഴാഴ്ച കെ.ബി.പി.എസിലേക്ക് എ.ഐ.വൈ.എഫ് മാര്‍ച്ച് നടത്തും.ഇന്നലെ ചേര്‍ന്ന എ.ഐ.വൈ.എഫ് തൃക്കാക്കര മണ്ഡലം എക്‌സിക്യൂട്ടീവ് യോഗത്തിലാണ് തീരുമാനം.
വനം വകുപ്പിന്റെ കാലഹരണപ്പെട്ട ഉത്തരവിന്റെ മറവില്‍ വര്‍ഷങ്ങള്‍ പഴക്കമുള്ള തേക്ക് മരങ്ങള്‍ വെട്ടിമാറ്റിയതിലെ ക്രമക്കേട് സംബന്ധിച്ച് വിജിലന്‍സ് അന്വേഷിക്കണമെന്നാവശ്യപ്പെട്ട് മുഖ്യമന്ത്രിക്കും വനംവകുപ്പ് മന്ത്രിക്കും പരാതി നല്‍കിയിട്ടുണ്ടെന്ന് എ.ഐ.വൈ.എഫ് മണ്ഡലം ഭാരവാഹികള്‍ അറിയിച്ചു.  
 നടന്ന യോഗത്തില്‍ എ.ഐ.വൈ.എഫ് മണ്ഡലം പ്രസിഡന്റ് കെ.കെ സുമേഷ് അധ്യക്ഷതവഹിച്ചു. സെക്രട്ടറി പി.എ നവാസ്, ജില്ലാ ജോയിന്റ് സെക്രട്ടറി കെ.ടി രാജേന്ദ്രന്‍ തുടങ്ങിയവര്‍ പങ്കെടുത്തു.