പറമ്പിക്കുളം: തേക്കടി പ്രദേശത്തെ മൂന്ന് ആദിവാസികോളനികളിലെ താമസക്കാര്‍ക്കായി വിതരണം ചെയ്യാന്‍ സൂക്ഷിച്ചിരുന്ന മൂന്ന് ചാക്ക് റേഷനരിയും,ഒരു ചാക്ക് ഗോതമ്പും കാട്ടാന തിന്നു നശിപ്പിച്ചു.ഇതോടെ ആദിവാസി കുടുംബങ്ങളുടെ കഞ്ഞികുടി മുട്ടിയിരിക്കുകയാണ് .ചൊവ്വാഴ്ച രാത്രിയാണ് ഒറ്റ കൊമ്പന്‍ തേക്കടിയിലെ ബാലന്റെ റേഷന്‍കട തകര്‍ത്തു്് അരിയും ഗോതമ്പും തിന്നതിന് ശേഷം ബാക്കി നശിപ്പിക്കുകയും ചെയ്തത്.
തോട്ടടുത്തു തന്നെ വനംവകുപ്പ് ഓഫീസുണ്ടായിരുന്നുവെങ്കിലും കോളനിയില്‍ ആനകൂട്ടം വീടുകള്‍ നശിപ്പിച്ചതിനെത്തുടര്‍ന്ന് അവിടേക്കു ജീവനക്കാര്‍ പോയിരുന്നു. വിവരമറിഞ്ഞുടന്‍ വനംവകുപ്പ് ഉദ്യോഗസ്ഥര്‍ പാഞ്ഞെത്തി പടക്കംപൊട്ടിച്ചു ആനയെ തുരത്തുകയായിരുന്നു.
പന്ത്രണ്ട് വര്‍ഷത്തെ ചരിത്രത്തിലാദ്യമായി റേഷന്‍കട തകര്‍ത്തു്് ആന റേഷന്‍ സാധനങ്ങള്‍ തിന്നു നശിപ്പിച്ചതെന്നു വനംവകുപ്പ് ഉദ്യോഗസ്ഥര്‍ പറയുന്നു.