തൃശൂര്‍: കൊച്ചി മുസിരിസ് ബിനാലെയുടെ ഈ വര്‍ഷത്തെ നടത്തിപ്പിനായി സൗത്ത് ഇന്ത്യന്‍ ബാങ്ക് ഒരു കോടി രൂപ നല്‍കി.
മൂന്നാം ലക്കം മുതല്‍ ബിനാലെ ഫൗണ്ടേഷനുമായുള്ള സഹകരണം തുടരുന്നതിന്റെ ഭാഗമായാണ് രാജ്യത്തെ കലാസാംസ്‌കാരിക മേഖലയുടെ ഉന്നമനത്തിനായി സാമൂഹിക ഉത്തരവാദിത്ത ഫണ്ട് വിനിയോഗിക്കാന്‍ സൗത്ത് ഇന്ത്യന്‍ ബാങ്ക് തീരുമാനിച്ചത്. ഈ വര്‍ഷം ഡിസംബര്‍ 12 മുതലാണ് പ്രശസ്ത ആര്‍ട്ടിസ്റ്റ് അനിത ദുബെ ക്യൂറേറ്റ് ചെയ്യുന്ന ബിനാലെയുടെ നാലാം പതിപ്പ് ആരംഭിക്കുന്നത്. തൃശൂര്‍ അശോക ഇന്‍ ഹോട്ടലില്‍ നടന്ന ചടങ്ങില്‍ സൗത്ത് ഇന്ത്യന്‍ ബാങ്കും കൊച്ചി ബിനാലെ ഫൗണ്ടേഷനുമായി ധാരണാപത്രം ഒപ്പു വച്ചു.
സൗത്ത് ഇന്ത്യന്‍ ബാങ്ക് മാനേജിങ് ഡയറക്ടറും സി.ഇ.ഒയുമായ വി.ജി മാത്യു, ബിനാലെ ഫൗണ്ടേഷന്‍ പ്രസിഡന്റ് ബോസ് കൃഷ്ണമാചാരി എന്നിവരാണ് ധാരണാ പത്രത്തില്‍ ഒപ്പുവച്ചത്.