തിരുവനന്തപുരം: സംസ്ഥാനത്ത് കോവിഡ് രോഗകളുടെ എണ്ണം ദിനംപ്രതി വര്‍ധിക്കുന്നതിനിടെ ഞായറാഴ്ചയിലെ സമ്പൂര്‍ണ ലോക്ക് ഡൗണ്‍ സര്‍ക്കാര്‍ ഒഴിവാക്കുന്നു.ഈ സമയത്ത് നിയന്ത്രണം ശക്തമാക്കുന്നതിനുപകരം കൂടുതല്‍ ഇളവുകള്‍ കൊണ്ടുവരികയാണ്. ഞായറാഴ്ചകളിലെ സമ്പൂര്‍ണ ലോക്ക്ഡൗണ്‍ ഒഴിവാക്കാനാണ് സര്‍ക്കാറിന്റെ പുതിയ തീരുമാനം. ഇനി സമ്പൂര്‍ണ അടച്ചിടല്‍ ഞായറാഴ്ചകളില്‍ ഉണ്ടാകില്ല. ഇതുസംബന്ധിച്ച വിശദമായ ഉത്തരവ് സര്‍ക്കാര്‍ ഉടന്‍ പുറത്തിറക്കും.

എന്നാല്‍ കണ്ടെയ്ന്‍മെന്റ് സോണുകളിലും തീവ്രബാധിതമേഖലകളിലുമുള്ള എല്ലാ ജാഗ്രതാ നിര്‍ദേശങ്ങളും അതേപോലെ തന്നെ തുടരണമെന്നും ഉത്തരവില്‍ നിര്‍ദേശമുണ്ടാകും.ലോക്ക്ഡൗണിനു കേന്ദ്രം നേരത്തെ തന്നെ ഇളവുകള്‍ അനുവദിച്ചിരുന്നെങ്കിലും സംസ്ഥാന സര്‍ക്കാരാണ് ഞായറാഴ്ച സമ്പൂര്‍ണ ലോക്ക്ഡൗണ്‍ ആയി പ്രഖ്യാപിച്ചത്.

എന്നാല്‍ മുമ്പില്ലാത്തവിധം കൊവിഡ് കേസുകള്‍ വര്‍ധിക്കുകയും ഉറവിടമില്ലാത്ത കേസുകള്‍ കൂടുകയും സാമൂഹിക വ്യാപനത്തിന്റെ അരികിലാണ് കേരളമെന്ന് ആരോഗ്യവകുപ്പുതന്നെ വിലയിരുത്തിയതിനു പിന്നാലെയാണ് ഞായറാഴ്ചയിലെ സമ്പൂര്‍ണ ലോക് ഡൗണ്‍ ഒഴിവാക്കുന്നതെന്നതും ശ്രദ്ധേയമാണ്.