തൃശൂര്‍: വിവിപാറ്റ് ഉള്‍പ്പെടുന്ന വോട്ടിങ് മെഷിനുകള്‍ അതത് നിയോജക മണ്ഡലാടിസ്ഥാനത്തില്‍ തരംതിരിക്കുന്ന പ്രവൃത്തി ആരംഭിച്ചു.
വിവിധ രാഷ്ട്രീയ പാര്‍ട്ടി പ്രതിനിധികളുടെയും തെരഞ്ഞെടുപ്പ് ഉദ്യോഗസ്ഥരുടെയും സാന്നിധ്യത്തിലാണ് സ്‌ട്രോങ് റൂമുകള്‍ തുറന്ന് വോട്ടിങ് മെഷിനുകള്‍ തരംതിരിക്കല്‍ ആരംഭിച്ചത്.
ഇന്ന് തരംതിരിക്കല്‍ പൂര്‍ത്തിയാക്കി സ്‌ട്രോങ് റൂമുകളില്‍ മെഷിനുകള്‍ പൊലിസ് സംരക്ഷണത്തില്‍ സൂക്ഷിക്കുമെന്ന് ജില്ലാ കലക്ടര്‍ അറിയിച്ചു.
രണ്ടാംഘട്ട റാന്‍ഡമൈസേഷനിലാണ് ബൂത്തിലേക്കുള്ള മെഷിനുകള്‍ ഏതെന്ന് നിശ്ചയിക്കുക.