എടപ്പാള്‍: പ്ലാസ്റ്റിക് ഉള്‍പ്പടെയുള്ള മാലിന്യങ്ങളാല്‍ നിറഞ്ഞ നടുവട്ടം അയിലക്കാട് റോഡ് യാത്രക്കാര്‍ക്കും നാട്ടുകാര്‍ക്കും ദുരിതം വിതയ്ക്കുന്നു. ദിനംപ്രതി നിരവധി പേര്‍ കടന്ന് പോകുന്ന ഇവിടെ വഴിയാത്രക്കാരനെനോ നാട്ടുകാരനെന്നോ വ്യത്യാസമില്ലാതെയാണ് മാലിന്യം നിക്ഷേപിക്കുന്നത്.
റോഡരികിന് പുറമേ തൊട്ടടുത്തുള്ള പറമ്പിലും പ്ലാസ്റ്റിക് കവറുകള്‍ നിറഞ്ഞിരിക്കുകയാണ്. വിവാഹ സ്ഥലങ്ങളിലുള്‍പ്പടെയുള്ള സ്ഥലങ്ങളില്‍ നിന്നും പുറന്തള്ളുന്ന ഭക്ഷണ മാലിന്യങ്ങളാണ് ഇവിടെ തള്ളിയധിലധികവും.
മഴക്കാലം ആരംഭിക്കുന്നതോടെ ഈ മാലിന്യങ്ങള്‍ പകര്‍ച്ചവ്യാധികള്‍ക്ക് കാരണമാകുമോ എന്ന ആശങ്കയിലാണ് നാട്ടുകാര്‍. കൂടാതെ ഈ മാലിന്യങ്ങള്‍ ഭക്ഷിക്കാനെത്തുന്ന തെരുവ് നായകളെ ഭയന്ന് ഇതുവഴി സഞ്ചരിക്കാന്‍ കഴിയാത്ത അവസ്ഥയിലായിരിക്കുകയാണ് നാട്ടുകാര്‍.