റായ്പൂര്‍: ചത്തിസ്ഗഢില്‍ 18 മാവോവാദികള്‍ ആയുധംവച്ച് കീഴടങ്ങിയതായി പൊലിസ. തലയ്ക്കു പൊലിസ് വിലയിട്ട നാലുപേരടക്കം 18 പേരാണ് ദണ്ഡേവാഡയില്‍ കീഴടങ്ങിയത്. ഇവരില്‍ ഒരു സ്ത്രീയുമുണ്ട്.

ദണ്ഡേവാഡ ജില്ലാ കലക്ടര്‍ ദീപക് സോണി, പൊലിസ് സൂപ്രണ്ട് അഭിഷേക് പല്ലവ എന്നിവരുടെ മുന്‍പിലെത്തിയായിരുന്നു കീഴടങ്ങല്‍. ഇവര്‍ ശിഷ്ടകാലം സാധാരണ ജീവിതം നയിക്കാന്‍ ആഗ്രഹം പ്രകടിപ്പിച്ചതായും പൊലിസ് വ്യക്തമാക്കി. മാവോവാദികള്‍ക്കെതിരേ തിരച്ചില്‍ ശക്തമാക്കുകയും കീഴടങ്ങുന്നതിനെ പ്രോത്സാഹിപ്പിക്കുകയും ചെയ്യുന്ന പദ്ധതി പൊലിസ് ആരംഭിച്ചതിനു പിന്നാലെയാണ് ഈ സംഭവമെന്നതു ശ്രദ്ധേയമാണ്.