ആലുവ: സമസ്തകേരള ജംഇയത്തുല്‍ ഉലമാ എറണാകുളം ജില്ലാ കമ്മറ്റി എല്ലാ മാസവും അവസാന തിങ്കളാഴ്ച്ച നടത്തിവരുന്ന ശൈഖുന അത്തിപ്പറ്റ ഉസ്താദ് സ്ഥാപിച്ച സ്വലാത്തിന്റെ ഒന്‍പതാം മജ്‌ലിസ് ഇന്ന് നടക്കും.
ആലുവ കുട്ടമശ്ശേരി മഹ്യുദ്ദീന്‍ മസ്ജിദിനു സമീപമുള്ള ചെന്താര സെന്ററിലാണ് മജ്‌ലിസ്.
സമസ്ത കേന്ദ്ര മുശാവറ അംഗം ഇ.എസ് ഹസ്സന്‍ ഫൈസി, ജില്ലാ വര്‍ക്കിംഗ് സെക്രട്ടറി എഷ്‌റഫ് ഹുദവി, ബഷീര്‍ ഫൈസി, സി.കെ അബ്ദുല്‍ റഹ്മാന്‍ മുസ്‌ലിയാര്‍, ഷംസുദ്ദീന്‍ ഫൈസി, സയ്യിദ് ഷെഫീഖ് തങ്ങള്‍, ഷറഫുദ്ദീന്‍ തങ്ങള്‍ തുടങ്ങിയവര്‍ നേതൃത്വം നല്‍കും.
ഓണംപള്ളി മുഹമ്മദ് ഫൈസി ഉദ്‌ബോധന പ്രഭാഷണം നടത്തും.