കൊച്ചി: തിരുവനന്തപുരത്ത് എയര്‍ കാര്‍ഗോ വഴി സ്വര്‍ണം കടത്തിയതിനു പിന്നാലെ കൊച്ചി തുറമുഖം വഴിയും പ്രതി സരിത് സ്വര്‍ണം കടത്തിയതായി സൂചന.

കഴിഞ്ഞ ദിവസം ചോദ്യം ചെയ്യലില്‍ ഇയാള്‍ ഇക്കാര്യം കസ്റ്റംസ് ഉദ്യോഗസ്ഥരോട് ഏറ്റുപറഞ്ഞു.

കൊച്ചി തുറമുഖത്ത് കണ്ടെയ്‌നറില്‍ വന്ന ബാഗേജ് സരിത് ഏറ്റുവാങ്ങിയിരുന്നതായാണ് കണ്ടെത്തിയിട്ടുള്ളത്. ഇതില്‍ ഉണ്ടായിരുന്ന വസ്തുക്കളെപ്പറ്റി ഇയാള്‍ വ്യക്തമായ വിവരങ്ങള്‍ നല്‍കുന്നില്ല. ഇതിന്റെ കൃത്യമായ വിവരങ്ങള്‍ ഇയാള്‍ മറച്ചുവയ്ക്കുന്നതായും കസ്റ്റംസ് വിഭാഗത്തിനു ബോധ്യപ്പെട്ടിട്ടുണ്ട്. തന്റെ വാഹനത്തിലെത്തിയാണ് ബാഗേജ് കൊണ്ടുപോയതെന്നും ഇയാള്‍ അന്വേഷണസംഘത്തോട് പറഞ്ഞിട്ടുണ്ട്.