കോഴിക്കോട്: 'യുവാക്കളുടെ തിരോധാനവും കേരളത്തിന്റെ ആശങ്കയും' എന്ന വിഷയത്തെ ആസ്പദമാക്കി മുസ്‌ലിം യൂത്ത് ലീഗ് സംസ്ഥാന കമ്മറ്റി സംഘടിപ്പിക്കുന്ന ചര്‍ച്ചാ സംഗമം നാളെ വൈകിട്ട് 3.30ന് കോഴിക്കോട് ചെറൂട്ടി റോഡിലുള്ള ചേംപര്‍ ഹാളില്‍ നടക്കും. പാണക്കാട് സയ്യിദ് സ്വാദിഖലി ശിഹാബ് തങ്ങള്‍ ഉദ്ഘാടനം ചെയ്യും. ഡോ. ബഹാഉദ്ദീന്‍ മുഹമ്മദ് നദ്‌വി കൂരിയാട്, ചെറിയമുണ്ടം അബ്ദുല്‍ ഹമീദ് മദനി, ഡോ. എം.കെ മുനീര്‍ എം.എല്‍.എ, സ്റ്റാന്‍ലി ജോണി - ദി ഹിന്ദു, കെ.എം. ഷാജി എം.എല്‍.എ, അശ്‌റഫ് കടക്കല്‍, എ. സജീവന്‍ തുടങ്ങിയവര്‍ സംസാരിക്കും.