പുതുക്കാട്: കല്ലൂരില്‍ വാടക തര്‍ക്കത്തെ തുടര്‍ന്ന് ഓട്ടോ ഡ്രൈവര്‍ക്ക് മര്‍ദനമേറ്റു. പാലത്തുപറമ്പ് സ്വദേശി കുന്നത്തു പറമ്പില്‍ സുനിലി (41)നാണ് മര്‍ദനമേറ്റത്. തിങ്കളാഴ്ച വൈകീട്ടായിരുന്നു സംഭവം. മര്‍ദനത്തില്‍ പ്രതിഷേധിച്ച് കല്ലൂരില്‍ ഇന്ന് ഓട്ടോറിക്ഷ തൊഴിലാളികള്‍ പണിമുടക്ക് നടത്തും. ബീവറേജിലേക്ക് ഓട്ടം വിളിച്ചയാള്‍ വാടക നല്‍കാതെ സുനിലിനെ മര്‍ദിക്കുകയായിരുന്നു. പരുക്കേറ്റ സുനില്‍ പുതുക്കാട് താലൂക്ക് ആശുപത്രിയില്‍ ചികിത്സയിലാണ്.
പുതുക്കാട് പൊലിസ് കേസെടുത്തു. സംഭവത്തില്‍ പ്രതിഷേധിച്ച് കല്ലൂര്‍ നായരങ്ങാടി, പാലയ്ക്കപ്പറമ്പ് മേഖലയില്‍ ചൊവ്വാഴ്ച ഓട്ടോ തൊഴിലാളികള്‍ രാവിലെ ആറു മുതല്‍ വൈകീട്ട് ആറു വരെ പണിമുടക്കും.