ജമൈക്ക:  വെസ്റ്റിന്‍ഡീസ് ഓള്‍റൗണ്ടര്‍ ആന്ദ്രേ റസ്സലിന് വിലക്ക് വന്നേക്കും. തുടര്‍ച്ചയായി മൂന്നു ഉത്തേജക പരിശോധനയ്ക്ക് ഹാജരാകാതിരുന്നതിനെ തുടര്‍ന്നാണ് താരത്തിന് വിലക്കേര്‍പ്പെടുത്തുന്ന കാര്യം ഐ.സി.സി പരിഗണിക്കുന്നത്. രണ്ടു വര്‍ഷം വരെ വിലക്കു ലഭിച്ചേക്കും.
ഐ.സി.സിയുടെ ഉത്തേജക വിരുദ്ധ ചട്ടപ്രകാരം വര്‍ഷത്തില്‍ മൂന്നു തവണ പരിശോധനയില്‍ പരാജയപ്പെടുന്ന താരത്തെ ഉത്തേജകം ഉപയോഗിച്ചതായി കണക്കാക്കി വിലക്കാമെന്നാണ്.  അടുത്തയാഴ്ച്ച റസ്സലിന്റെ കേസില്‍ ഐ.സി.സി വാദം കേള്‍ക്കുന്നുണ്ട്. ഇതിനു ശേഷമാവും ശിക്ഷാ നടപടികള്‍ തീരുമാനിക്കുക. വിലക്ക് വന്നാല്‍ റസ്സലിന് ഐ.പി.എല്‍, ആസ്‌ത്രേലിയന്‍ ബിഗ് ബാഷ് ലീഗ്, പാകിസ്താന്‍ സൂപ്പര്‍ ലീഗ് എന്നിവ നഷ്ടമാകും.