ചെന്നൈ: ഇംഗ്ലീഷ് അറിയാത്തതിന്റെ പേരില്‍ ജീവനൊടുക്കി. ചെന്നൈയിലെ ഒരു സ്വകാര്യ വനിതാ കോളജിലെ ബി.കോം വിദ്യാര്‍ഥിനി രാജലക്ഷ്മിയാണ് ആത്മഹത്യ ചെയ്തത്. ഇംഗ്ലിഷ് അനായാസം സംസാരിക്കാന്‍ കഴിയാത്തതില്‍ മനംനൊന്താണത്രെ ഒന്നാംവര്‍ഷ ഡിഗ്രി വിദ്യാര്‍ഥിനി തീകൊളുത്തി മരിച്ചത്. ഇംഗ്ലീഷ് മീഡിയത്തില്‍ നിന്നുവന്ന മറ്റ് കുട്ടികളോട് സംസാരിക്കാന്‍ കഴിയാത്തതും കോളജില്‍ ഇംഗ്ലീഷ് സംസാരിക്കണം എന്നത് നിര്‍ബന്ധമാക്കിയതുമാണ് രാജലക്ഷ്മിയെ പ്രയാസത്തിലാക്കിയത്. മാതാവ് ജോലിക്കായി പുറത്തുപോയ സമയത്തായിരുന്നു സംഭവം. ഇംഗ്ലിഷിലെ കഴിവുകുറവാണ് ജീവിതം അവസാനിപ്പിക്കാന്‍ കാരണമെന്ന് രാജലക്ഷ്മി ആത്മഹത്യാകുറിപ്പില്‍ രേഖപ്പെടുത്തിയിട്ടുണ്ട്.