വട്ടിയൂര്‍ക്കാവ്: പെട്രോള്‍ അടിച്ചുകഴിഞ്ഞുവെന്ന ധാരണയില്‍ വാഹനം മുന്നോട്ടെടുത്തത് അപകടം വരുത്തിവച്ചു. പെട്രോള്‍ പമ്പിലെ ഫ്യുവല്‍ ഡിസ്‌പെന്‍സര്‍ തകര്‍ന്നു. ചൊവ്വാഴ്ച പകല്‍ സമയത്ത് കാഞ്ഞിരംപാറയിലെ പെട്രോള്‍ പമ്പിനു മുമ്പിലായിരുന്നു സംഭവം. 

ഇവിടെ പെട്രോള്‍ അടിക്കാനെത്തിയതായിരുന്നു കാഞ്ഞിരംപാറ സ്വദേശിയായ കാറുടമ. പെട്രോള്‍ അടിക്കുന്നതിനിടെ പമ്പിലെ ജീവനക്കാരി പണം വാങ്ങിയശേഷം ബാക്കി കൊടുത്തു. ഇതിനിടെ, പെട്രോള്‍ഫില്ലിങ് കഴിഞ്ഞുവെന്ന ധാരണയില്‍ കാറുടമ വാഹനം മുന്നോട്ടെടുത്തതോടെ ഫ്യുവല്‍ ഡിസ്‌പെന്‍സര്‍ തകര്‍ന്നു വീഴുകയായിരുന്നു.
ഉപകരണം ഇളകിവീണതോടെ പമ്പില്‍ പെട്രോളടിക്കാനെത്തിയവര്‍ ഭയാശങ്കയില്‍ ഓടിമാറിയെങ്കിലും അപകടമൊന്നുമുണ്ടായില്ല.