ആലുവ: യാത്രക്കിടെ വിദ്യാര്‍ഥിനിയോട് അപമര്യാദമായി പെരുമാറിയ ഓട്ടോ ഡ്രൈവര്‍ പിടിയില്‍. ചുണങ്ങംവേലി കല്ലുവെട്ടി പറമ്പ് വീട്ടില്‍ അന്‍ഷാദിനെ (25) ആണ് ആലുവ ഈസ്റ്റ് പൊലിസ് സ്റ്റേഷന്‍ ഓഫിസര്‍ വിശാല്‍ ജോണ്‍സണിന്റെ നേതൃത്വത്തിലുള്ള സംഘം അറസ്റ്റ് ചെയ്തത്. കഴിഞ്ഞ ദിവസം ക്ലാസ് കഴിഞ്ഞ് വീട്ടിലേക്ക് പോകുന്നതിനായി ബസ് ഇറങ്ങിയ ശേഷം പ്രതിയുടെ ഓട്ടോയില്‍ കയറിയ വിദ്യാഥിനിയോട് അശ്ലീലം പറയുകയും അപമര്യാദയായി പെരുമാറുകയും ചെയ്ത് കടന്നുകളഞ്ഞ പ്രതിയെ സി.സി.ടി.വി ദൃശ്യങ്ങളുടെ സഹായത്തോടെയാണ് പിടികൂടിയത്. അന്വേഷണ സംഘത്തില്‍ പ്രിന്‍സിപ്പല്‍ എസ്.ഐ എം.എസ് ഫൈസല്‍, എസ്.ഐമാരായ അബ്ദുള്‍ അസീസ്, ഫ്രാങ്ക്‌ളിന്‍, സീനിയര്‍ സിവില്‍ പൊലിസ് ഓഫിസര്‍ അഭിലാഷ്, സിവില്‍ പൊലിസ് ഓഫിസര്‍ ഷമീര്‍ എന്നിവരുമുണ്ടായിരുന്നു. ആലുവ ഈസ്റ്റ്, എടത്തല എന്നി പൊലിസ് സ്റ്റേഷനുകളില്‍ പോത്ത്, ഓട്ടോ മോഷണം ഉള്‍പ്പെ ടെയുള്ള നിരവധി മോഷണക്കേസുകളില്‍ പ്രതിയാണ്. കോടതിയില്‍ ഹാജരാക്കിയ പ്രതിയെ റിമാന്റ് ചെയ്തു.