മൂന്നാര്‍: വിവാദ പരാമര്‍ശം നടത്തിയ മന്ത്രി എം.എം മണി രാജിവെക്കണമെന്നും നേരിട്ട് വന്ന് മാപ്പു പറയണമെന്നും ആവശ്യപ്പെട്ട് പൊമ്പിളൈ ഒരുമൈ നടത്തുന്ന നിരാഹാര സമരം തുടരുന്നു. സമരത്തിന് പിന്തുണ പ്രഖ്യാപിച്ച് ആം ആദ്മി പാര്ട്ടി നേതാവ് സി.ആര്‍. നീലകണ്ഠനും നിരാഹാര സമരത്തില്‍ പങ്കു ചേര്‍ന്നിട്ടുണ്ട്.

മുന്‍മുഖ്യമന്ത്രി ഉമ്മന്‍ ചാണ്ടി രാവിലെ 11 മണിയോടെ മൂന്നാറിലെത്തും. കോണ്‍ഗ്രസ് സംഘടിപ്പിക്കുന്ന പ്രതിഷേധ കൂട്ടായ്മയില്‍ ഉമ്മന്‍ചാണ്ടി പങ്കെടുക്കും. കോണ്‍ഗ്രസ് സംസ്ഥാന നേതാക്കളും ഉമ്മന്‍ചാണ്ടിയോടൊപ്പം മൂന്നാറിലെത്തും.