കുറ്റ്യാടി: അടുക്കത്ത് എം.എച്ച് ആര്‍ട്‌സ് ആന്‍ഡ് സയന്‍സ് എസ്.എഫ്.ഐ- എം.എസ്.എഫ് സംഘര്‍ഷം. ഒന്നാം വര്‍ഷ വിദ്യാര്‍ഥികളെ വരവേല്‍ക്കാന്‍ കോളജില്‍ സ്ഥാപിച്ച എം.എസ്.എഫിന്റെ കൊടി എസ്.എഫ്.ഐ പ്രവര്‍ത്തകര്‍ നശിപ്പിച്ചത് ചോദ്യം ചെയ്തതാണ് സംഘര്‍ഷത്തിന് കാരണം.
സംഭവത്തില്‍ രണ്ട് പൊലിസുകാര്‍ക്കും രണ്ട് എം.എസ്.എഫ് പ്രവര്‍ത്തര്‍ക്കും പരുക്കേറ്റു. രണ്ടാം വര്‍ഷ ബി.ബി.എ വിദ്യാര്‍ഥികളായ ആശിര്‍ സഹല്‍ വാണിമേല്‍ (18), ശരീഫ് ചാലപ്പുറം (18) എന്നിവര്‍ക്കാണ് പരുക്കേറ്റത്. ഇവരെ കുറ്റ്യാടി ഗവ. താലൂക്ക് ആശുപത്രിയില്‍ പ്രവേശിപ്പിച്ചു.
സംഘര്‍ഷ സാധ്യത കണക്കിലെടുത്ത് കുറ്റ്യാടി പൊലിസ് സ്ഥലത്തെത്തി ലാത്തി വീശി. പുറത്ത് നിന്നെത്തിയ ഡി.വൈ.എഫ്.ഐ പ്രവര്‍ത്തകരാണ് അക്രമത്തിന് പിന്നിലെന്ന് എം.എസ്.എഫ് ആരോപിച്ചു.