കിങ്സ്റ്റണ്‍: വെസ്റ്റിന്‍ഡീസിനെതിരായ ആദ്യ ക്രിക്കറ്റ് ടെസ്റ്റില്‍ പാകിസ്താന് ഏഴുവിക്കറ്റ് ജയം. വെസ്റ്റിന്‍ഡീസ് ഉയര്‍ത്തിയ 32 റണ്‍സെന്ന വിജയലക്ഷ്യം മൂന്നുവ ിക്കറ്റ് നഷ്ടത്തില്‍ മറികടക്കുകയായിരുന്നു പാകിസ്താന്‍.
അഞ്ചാം ദിനം നാലിന് 94 എന്ന നിലയില്‍ ബാറ്റിങ് പുനരാരംഭിച്ച വിന്‍ഡീസ് 152 റണ്‍സിന് കൂടാരം കയറി. ഷെയ്ന്‍ ഡോവ്‌റിച്ച്(0)വിശൗല്‍ സിങ്(9) ജേസന്‍ ഹോള്‍ഡര്‍(14) എന്നിവര്‍ നിരാശപ്പെടുത്തി. ആറുവിക്കറ്റെടുത്ത യാസിര്‍ ഷായാണ് വിന്‍ഡീസിനെ തകര്‍ത്തത്. മുഹമ്മദ് അബ്ബാസ് രണ്ടും മുഹമ്മദ് ആമിര്‍, വഹാബ് റിയാസ് എന്നിവര്‍ ഓരോ വിക്കറ്റുമെടുത്തു. മറുപടി ബാറ്റിങില്‍ ചെറിയ വിജയലക്ഷ്യവുമായി കളത്തിലിറങ്ങിയ പാകിസ്താന് അസ്ഹര്‍ അലി(1) അഹമ്മദ് ഷെഹസാദ്(6) യൂനിസ് ഖാന്‍(6) എന്നിവരുടെ വിക്കറ്റുകളാണ് നഷ്ടമായത്. തുടര്‍ച്ചയായി രണ്ടു സിക്‌സറടിച്ച് ക്യാപ്റ്റന്‍ മിസ്ബ ഉള്‍ ഹക്ക്(12*) ആണ് ടീമിനെ ജയത്തിലെത്തിച്ചത്. യാസിര്‍ ഷായാണ് മത്സരത്തിലെ താരം.