പെരിന്തല്‍മണ്ണ: മുസ്‌ലിം യൂത്ത് ലീഗ് സംസ്ഥാന യുവജന യാത്രയുടെ ഭാഗമായ 'വൈറ്റ്ഗാര്‍ഡ് പരേഡിന്' ജില്ലയില്‍ നിന്നുള്ള അംഗങ്ങളെ തിരഞ്ഞെടുക്കുന്നതിനും പരേഡിനു വേണ്ടിയുള്ള മുന്നൊരുക്കങ്ങള്‍ ആസൂത്രണം ചെയ്യുന്നതിനുമായി നാലു മേഖലകള്‍ തിരിച്ചുള്ള സംഗമങ്ങള്‍ക്ക് തുടക്കമായി.
പഞ്ചായത്ത് തലത്തില്‍ വൈറ്റ്ഗാര്‍ഡുകളെ തിരഞ്ഞെടുക്കുന്നതിനു വേണ്ടിയുള്ള ഫോറങ്ങള്‍ വിതരണം ചെയ്തു. നിലമ്പൂര്‍, വണ്ടൂര്‍, പെരിന്തല്‍മണ്ണ, മങ്കട നിയോജക മണ്ഡലങ്ങളിലേ കോര്‍ഡിനേറ്റര്‍മാര്‍, മണ്ഡലം ഭാരവാഹികള്‍, പഞ്ചായത്ത് പ്രസിഡന്റ്, സെക്രട്ടറി, പഞ്ചായത്ത് കോര്‍ഡിനേറ്റര്‍ എന്നിവരാണ് യോഗത്തില്‍ പങ്കെടുത്തത്.
ജില്ല പ്രസിഡന്റ് അന്‍വര്‍ മുള്ളമ്പാറ ഉദ്ഘാടനം ചെയ്തു. വൈറ്റ് ഗാര്‍ഡ് ജില്ലാ കോര്‍ഡിനേറ്റര്‍ വി.കെ.എം ഷാഫി അദ്ധ്യക്ഷനായി. വൈറ്റ് ഗാര്‍ഡ് രജിസ്‌ട്രേഷന്‍ ഫോറം വിതരണോദ്ഘാടനം എ.കെ മുസ്തഫ നിര്‍വഹിച്ചു.
അമീര്‍ പാതാരി, മുസ്തഫ അബ്ദുല്‍ ലത്തീഫ്, നഹാസ് പാറക്കല്‍, കുരിക്കള്‍ മുനീര്‍, എം.ടി അലി നൗഷാദ്, എന്‍.പി മുഹമ്മദലി, സി.ടി നൗഷാദലി, പി.പി സക്കീര്‍ ഹുസൈന്‍, ഹാരിസ് കളത്തില്‍ സംസാരിച്ചു.