തിരുന്നാവായ: ഭാരതപ്പുഴയില്‍ കന്നുകാലികള്‍ കുടുങ്ങിയ സംഭവമുണ്ടായിട്ടും വിവിധ വകുപ്പുകള്‍ ഇടപെട്ടിട്ടും പൊലിസ് എത്താത്ത് നാട്ടുകാരുടെ പ്രതിഷേധത്തിന് കാരണമാകുന്നു. മന്ത്രി കെ. രാജു സംഭവത്തില്‍ ഇടപെട്ടതോടെ ജില്ലാ ഭരണകൂടം നടപടികള്‍ തുടങ്ങി.
ജില്ലാ കലക്ടര്‍ അമിത് മീണ, മൃഗ സംരക്ഷണ വകുപ്പ് ഉദ്യോഗസ്ഥര്‍, റവന്യു വകുപ്പ്, ദേശീയ ദുരന്ത സേന എന്നിവര്‍ സംഭവത്തില്‍ ഇടപെട്ടിട്ടും പൊലിസിന്റെ ഭാഗത്തു നിന്ന് ഒരു ഇടപെടലുമുണ്ടായില്ല. പുഴയുടെ തീരങ്ങളിലെ തിരൂര്‍, കുറ്റിപ്പുറം പൊലിസ് സ്‌റ്റേഷനുകളില്‍നിന്നും ആരുമെത്തിയില്ല.