ഉള്ളാള്‍: സമസ്ത പ്രസിഡന്റ് സയ്യിദുല്‍ ഉലമാ സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍ക്ക് ഉള്ളാളില്‍ പ്രൗഢോജ്ജ്വല സ്വീകരണം നല്‍കി. ഉള്ളാള്‍ മേലങ്ങാടി മുഹ്യദ്ധീന്‍ ജുമാ മസ്ജിദ് കമ്മിറ്റിയുടെ നേതൃത്വത്തിലാണ് തങ്ങള്‍ക്ക് സ്വീകരണം നല്‍കിയത്. ചടങ്ങില്‍ സയ്യിദ് മദനി ദര്‍ഗാ കമ്മിറ്റി പ്രസിഡന്റ് അബ്ദുല്‍ റഷീദ് ഹാജി അധ്യക്ഷനായി.
മേലങ്ങാടി മുഹ്യദ്ദീന്‍ ജുമാ മസ്ജിദ് കമ്മിറ്റി പ്രസിഡന്റും ഉള്ളാള്‍ മുനിസിപ്പല്‍ കൗണ്‍സില്‍ അംഗവുമായ ഫാറൂഖ് ഉള്ളാള്‍, കെ മോണു ഹാജി, എച്ച്.കെ ഖാദര്‍, മുസ്തഫ അബ്ദുല്ല, ശംസുദ്ധീന്‍, യു ഹസൈനാര്‍, ഹമീദ് കുണിയ, അക്ബര്‍ ഉള്ളാള്‍, ശംസുല്‍ ഉലമാ എജുക്കേഷന്‍ ട്രസ്റ്റ് കണ്‍വീനര്‍ നസീര്‍ ഉള്ളാള്‍, ഖാലിദ് സാഗര്‍, നൗഷാദ് അബൂബക്കര്‍, ആസിഫ് അബ്ദുല്ല, യൂസഫ് മിസ്ബാഹി, യൂസഫ് ഉള്ളാല്‍, ജമാല്‍ വോര്‍ക്കാടി എന്നിവര്‍ സംസാരിച്ചു.