മുക്കം: ട്രൈനിങ് മേഖലയില്‍ പ്രവര്‍ത്തിക്കുന്ന ഹാപ്പി പാര്‍ക്ക് നെല്ലിക്കാപറമ്പില്‍ ആരംഭിച്ച സൊല്യൂഷന്‍ സെന്റര്‍ കോഴിക്കോട് ഖാസി സയ്യിദ് മുഹമ്മദ്‌കോയ തങ്ങള്‍ ജമലുല്ലൈലി ഉദ്ഘാടനം ചെയ്തു.
മഹല്ലുകളിലും കുടുംബങ്ങളിലും വിദ്യാര്‍ഥികളിലുമുള്ള മാനസിക പ്രശ്‌നങ്ങള്‍ മന:ശാസ്ത്ര ചികിത്സയിലൂടെ പരിഹരിക്കുക എന്നതാണ് പദ്ധതിയിലൂടെ ലക്ഷ്യമിടുന്നത്. എം. പവര്‍മെന്റ്, എക്‌സാം ക്രാഷ് വര്‍ക്‌ഷോപ്പുകള്‍, ട്രൈനിങ്, ഗൈഡന്‍സ്, മോട്ടിവേഷന്‍ ക്ലാസുകള്‍, മഹല്ല് ഇന്‍ഫര്‍മേഷന്‍, എല്ലാ തരം കൗണ്‍സിലിങ് സേവനങ്ങള്‍ തുടങ്ങിയവ സെന്റര്‍ വഴി ലഭ്യമാകുമെന്ന് ഭാരവാഹികള്‍ അറിയിച്ചു. സമസ്ത കേന്ദ്ര മുശാവറ അംഗം കെ. ഉമര്‍ ഫൈസി മുക്കം അധ്യക്ഷനായി. സമസ്ത മാനേജര്‍ കെ. മോയിന്‍കുട്ടി മാസ്റ്റര്‍ മുഖ്യപ്രഭാഷണം നടത്തി.
കണ്ടിയില്‍ ഹുസൈന്‍ ബാഖവി, ഇ.കെ ഹുസൈന്‍ ഹാജി, കെ.എന്‍.എസ് മൗലവി, സുബൈര്‍ നെല്ലിക്കാപറമ്പ്, മുഹമ്മദ് റാഫി കൊണ്ടോട്ടി, നടുക്കണ്ടി അബൂബക്കര്‍, സി.കെ ബീരാന്‍കുട്ടി, നവാസ് ഓമശ്ശേരി, സലാം മാസ്റ്റര്‍ നാരകശ്ശേരി, വി. ഇമ്പിച്ചാലി മുസ്ലിയാര്‍, എം.കെ ഉമര്‍ ബാഖവി, മുഹമ്മദ് ഷഫീഖ് ഹുദവി, പുതിയോട്ടില്‍ അബ്ദുറഹ്മാന്‍, പി.പി അബ്ദുല്‍ അസീസ്, പി. ഇബ്രാഹീം കുഞ്ഞി, പി. അബ്ദുല്‍ മജീദ്, എന്‍.കെ അബ്ദുല്‍ ഗഫൂര്‍, സലീം മുസ്ലിയാര്‍, ജാബിര്‍ സഫ്‌വാനം, ആദില്‍ ഹുസൈന്‍ സംസാരിച്ചു. ടി.കെ കരീം മാസ്റ്റര്‍ സ്വാഗതവും സലാം മാസ്റ്റര്‍ മലയമ്മ നന്ദിയും പറഞ്ഞു.