മുസഫര്‍നഗര്‍: ഉത്തര്‍പ്രദേശില്‍ ക്രൂരപീഡനത്തിനിരയായി ചികിത്സയില്‍ കഴിഞ്ഞിരുന്ന എട്ടുവയസുകാരി മരിച്ചു. കാണ്‍പൂരിനടുത്തുള്ള കിദ്വായ്‌നഗറിലാണ് സംഭവം. വെള്ളിയാഴ്ചയാണ് കുട്ടി പീഡനത്തിനിരയായത്. വീട്ടുമുറ്റത്ത് കളിച്ചുകൊണ്ടിരിക്കുകയായിരുന്ന കുട്ടിയെ യുവാവ് തട്ടിക്കൊണ്ടുപോയി ക്രൂരപീഡനത്തിരയാക്കുകയായിരുന്നു. ഇയാളെ നാട്ടുകാര്‍ പിടികൂടി പൊലിസിലേല്‍പ്പിച്ചിരുന്നു. പീഡനത്തിനിടെ കുട്ടിയുടെ തലയ്ക്ക് മര്‍ദിച്ച് പരുക്കേല്‍പ്പിച്ചതാണ് മരണകാരണമെന്ന് ആശുപത്രി അധികൃതര്‍ പറഞ്ഞു.