തിരുവനന്തപുരം: ജില്ലയില്‍ വൃദ്ധസദനത്തില്‍ 35 പേര്‍ക്ക് കൊവിഡ്. കൊച്ചുതുറ മിഷനറീസ് ഓഫ് ചാരിറ്റി ശാന്തിഭവനിലാണ് ആന്റിജന്‍ പരിശോധനയിലൂടെ ഇത്രയും പേര്‍ക്ക് കൊവിഡ് സ്ഥിരീകരിച്ചത്. ഇതില്‍ 27 പേര്‍ വൃദ്ധസദനത്തിലെ അന്തേവാസികളും ആറു പേര്‍ കന്യാസ്്ത്രീകളും രണ്ട് പേര്‍ ജീവനക്കാരുമാണ്.

അതേസമയം, തുമ്പ ക്‌ളസ്റ്ററില്‍ 13 പേര്‍ക്ക് കൂടി രോഗംസ്ഥിരീകരിച്ചു. ഇതോടെ തുമ്പ ക്‌ളസ്റ്ററിലെ രോഗികളുടെയെണ്ണം 126 ആയി.

കൊവിഡ് വ്യാപനം രൂക്ഷമായ തിരുവനന്തപുരം നഗരത്തില്‍ ഇന്ന് മൂന്ന് പൊലീസുകാര്‍ക്ക് കൂടി കൊവിഡ് സ്ഥിരീകരിച്ചിട്ടുണ്ട്. തിരുവനന്തപുരം ശ്രീചിത്രയിലെ ഡോക്ടര്‍ക്കും കൊവിഡ് ബാധിച്ചിട്ടുണ്ട്.