സിംഗപ്പൂര്‍ സിറ്റി: തായ്‌വാന്‍ താരവും ലോക ഒന്നാം നമ്പര്‍ താരവുമായ തായി സു യിങ് സിംഗപ്പൂര്‍ ഓപണ്‍ ബാഡ്മിന്റണിന്റെ വിനാതാ സിംഗിള്‍സില്‍ കിരീടം സ്വന്തമാക്കി.
ഇന്നലെ നടന്ന ഫൈനലില്‍ നേരിട്ടുള്ള ഗെയിമിലാണ് താരത്തിന്റെ വിജയം. ജപ്പാന്റെ നൊസോമി ഒക്കുഹാരയെയാണ് തായി സു പരാജയപ്പെടുത്തിയത്.
21-19, 21-15 എന്ന സ്‌കോറിനായിരുന്നു തായി സു വിന്റെ ജയം. ഒക്കുഹാര ക്വാര്‍ട്ടറില്‍ സൈനയെയും സെമിയില്‍ പി.വി സിന്ധുവിനെയും പരാജയപ്പെടുത്തിയാണ് ഫൈനലില്‍ പ്രവേശിച്ചത്. ശ്രീകാന്ത് ഉള്‍പ്പെടെയുള്ള പുരുഷ താരങ്ങളും ടൂര്‍ണമെന്റില്‍ മത്സരിച്ചിരുന്നെങ്കിലും ക്വാര്‍ട്ടര്‍ കടക്കാന്‍ ആര്‍ക്കുമായില്ല. വനിതാ താരങ്ങളായ സൈന ക്വാര്‍ട്ടറിലും സിന്ധു സെമിയിലുമായിരുന്നു പരാജയപ്പെട്ട് പുറത്തായത്.