ഛത്തര്‍പുര്‍: ആംബുലന്‍സ് നിഷേധിച്ചതിനെ തുടര്‍ന്ന് യുവതി ബസില്‍ പ്രസവിച്ചു. മധ്യപ്രദേശിലെ ഛത്തര്‍പൂരിലാണ് സംഭവം.

സങ്കീര്‍ണതകളുണ്ടായതിനെ തുടര്‍ന്ന് പ്രാദേശിക ആശുപത്രിയില്‍ നിന്ന് യുവതിയെ ജില്ലാ ആശുപത്രിയിലേക്ക് മാറ്റാന്‍ ഡോക്ടര്‍മാര്‍ നിര്‍ദ്ദേശിച്ചിരുന്നു. എന്നാല്‍ ഇവരെ കൊണ്ടുപോവാന്‍ ആംബുലന്‍സ് നല്‍കാന്‍ അധികൃതര്‍ തയ്യാറായില്ല. ഒടുവില്‍ ഇവര്‍ക്ക് ബസില്‍ തന്നെ പോവേണ്ടി വന്നു. യാത്രക്കിടെ വേദന അധികമായി യുവതി ഓടിക്കൊണ്ടിരിക്കുന്ന ബസില്‍ വച്ചു തന്നെ പ്രസവിക്കുകയായിരുന്നു.

നേരത്തെയും ഇവിടെ ഇത്തരം സംഭവങ്ങളുണ്ടായിട്ടുണ്ട്. കഴിഞ്ഞയാഴ്ച ആംബുലന്‍സ് നിഷേധിച്ചതിനെ തുര്‍ന്ന് നടന്നു പോവേണ്ടി വന്ന യുവതിയുടെ കുഞ്ഞ് മരിച്ചിരുന്നു.