തൃശൂര്‍: തെരഞ്ഞെടുപ്പില്‍ വീണ്ടും ശബരിമലയെ ആയുധമാക്കി തന്നെ ബി.ജെ.പി ദേശീയ അധ്യക്ഷന്‍ അമിത് ഷാ.
ശബരിമലയിലെ ആചാരങ്ങളും വിശ്വാസവും സംരക്ഷിക്കാന്‍ ബി.ജെ.പിയുടെയും ആര്‍.എസ്.എസിന്റെയും നേതൃത്വത്തില്‍ നടത്തിയ സമരത്തില്‍ നിരവധി കേസുകളാണ് എടുത്തതെന്നും ശബരിമലയെ സംരക്ഷിക്കാന്‍ സമരക്കാര്‍ക്കൊപ്പം ഉറച്ചുനില്‍ക്കുമന്നും അമിത് ഷാ പറഞ്ഞു. തൃശൂര്‍ ലോക്‌സഭാ മണ്ഡലം എന്‍.ഡി.എ സ്ഥാനാര്‍ഥി സുരേഷ് ഗോപിയുടെ തെരഞ്ഞെടുപ്പ് പ്രചാരണാര്‍ഥം തേക്കിന്‍കാട് മൈതാനിയില്‍ സംഘടിപ്പിച്ച പൊതുയോഗം ഉദ്ഘാടനം ചെയ്യുകയായിരുന്നു ഷാ.ശബരിമലയുടെ സംരക്ഷണത്തിന് ആവശ്യമായ കാര്യങ്ങള്‍ ബി.ജെ.പിയുടെ തെരഞ്ഞെടുപ്പ് പത്രികയില്‍ വ്യക്തമാക്കുന്നുണ്ട്. ശബരിമലയുടെ വിശ്വാസവും ആചാരവും പൂജാവിധികളുമടക്കമുള്ള കാര്യങ്ങള്‍ സുപ്രിം കോടതിയെ അറിയിക്കുമെന്ന് പറഞ്ഞ അമിത് ഷാ പറഞ്ഞു.