മുംബൈ: ബോളിവുഡ് താരവും സീരിയല്‍ നടിയുമായ റീത്ത ഭാദുരി (62) അന്തരിച്ചു. മുംബൈയില്‍ ചൊവ്വാഴ്ച്ച രാവിലെയായിരുന്നു അന്ത്യം. വൃക്ക സംബന്ധമായ അസുഖത്തെ തുടര്‍ന്ന് ചികിത്സയിലായിരുന്നു. ഫേസ് ബുക്കിലൂടെ നടന്‍ ശിശിര്‍ ശര്‍മ്മയാണ് റീത്തയുടെ മരണവിവരം പുറത്തുവിട്ടത്. പത്തു ദിവസം മുമ്പാണ് ആശുപത്രിയില്‍ പ്രവേശിപ്പിച്ചത്. അന്ധേരി ഈസ്റ്റിലെ ചക്കാലയില്‍ സംസ്‌കാരച്ചടങ്ങുകള്‍ നടന്നു. എഴുപതിലധികം ചിത്രങ്ങളില്‍ അഭിനയിച്ചിട്ടുണ്ട്. മലയാളത്തില്‍ കമല്‍ഹാസന്റെ അരങ്ങേറ്റ ചിത്രമായ, കെ.എസ് സേതുമാധവന്‍ സംവിധാനം ചെയ്ത കന്യാകുമാരിയിലെ നായികയായിരുന്നു.