കോഴിക്കോട്: താമരശ്ശേരി താലൂക്കാശുപത്രിയില്‍ മെഡിക്കല്‍  കണ്‍സള്‍ട്ടറ്റന്റ് (ഗൈനക്കോളജി) തസ്തികയിലെ ഒഴിവ് നികത്താനായി വകുപ്പ് ഡയറക്ടര്‍ക്ക് കത്ത് നല്‍കിയതായി ഡി.എം.ഒ (ഹെല്‍ത്ത്്) അറിയിച്ചു.
താല്‍ക്കാലിക നിയമനത്തിനായി ഉടന്‍ അപേക്ഷ ക്ഷണിക്കും. കനോലി കനാല്‍, പാവങ്ങാട്-മൊകവൂര്‍ പ്രദേശങ്ങളെ ബന്ധിപ്പിക്കുന്ന കൈപ്പുറത്ത് പാലത്തിന് ഇരുവശങ്ങളിലുമായുള്ള രണ്ട്  ജലാശയങ്ങള്‍, കണ്ടല്‍ കാടുകള്‍ എന്നിവ ബോട്ടിങ് സൗകര്യത്തോടെയുള്ള ഇക്കോടൂറിസ്റ്റ് കേന്ദ്രമാക്കാന്‍ ജില്ലാ ഭരണകൂടം പദ്ധതി നടപ്പിലാക്കണമെന്ന് യോഗം പ്രമേയത്തിലൂടെ ആവശ്യപ്പെട്ടു.
എം.കെ. രാഘവന്‍ എം.പിയുടെ പ്രതിനിധിയാണ് പ്രമേയം  അവതരിപ്പിച്ചത്. ജില്ലാ കലക്ടറുടെ ചുമതലയുള്ള എ.ഡി.എം ടി.  ജനില്‍കുമാര്‍ അധ്യക്ഷനായി.
 എം.എല്‍.എമാരായ സി.കെ. നാണു, കെ. ദാസന്‍,  പുരുഷന്‍ കടലുണ്ടി, ഇ.കെ. വിജയന്‍, എം.കെ. മുനീര്‍, ജില്ലാ പഞ്ചായത്ത് വൈസ്  പ്രസിഡന്റ് റീന മുണ്ടേങ്ങാട്ട്, ഡെപ്യൂട്ടി പ്ലാനിങ് ഓഫിസര്‍ ഡോ. സാബു  വര്‍ഗീസ്, മറ്റു ജനപ്രതിനിധികള്‍, ജില്ലാ തല ഉദ്യോഗസ്ഥര്‍ സംബന്ധിച്ചു.