ഉള്ള്യേരി: ഒള്ളൂര്‍ റോഡില്‍ ബാങ്കിനോട് ചേര്‍ന്നുള്ള വീടിന്റെ അടുക്കളയില്‍ നിന്ന് തീ പടര്‍ന്നത് പരിഭ്രാന്തി പരത്തി. ഫ്രിഡ്ജിന് തീ പിടിച്ചതാണ് പുകയ ഉയരുന്നതിനും വനിതാ ബാങ്ക് കെട്ടടിടത്തിലേക്ക് തീ പടരുന്നതിനും കാരണം. വീട്ടിലെ അടുക്കളയിലുണ്ടായ ഷോര്‍ട്ട് സര്‍ക്യൂട്ടാണ് അപകടത്തിന് കാരണമായത്. സംഭവസമയം വീട്ടില്‍ ആളില്ലായിരുന്നു. വീട്ടില്‍ നിന്ന് പുക ഉയരുന്നത് കണ്ട അയല്‍വാസികളാണ് കൊയിലാണ്ടി ഫയര്‍ഫോഴ്‌സിനെ വിവരമറിയിച്ചത്.  ഫയര്‍ഫോഴ്‌സ് ഓഫിസര്‍ സി.വി ആനന്ദിന്റെ നേതൃത്വത്തില്‍ രണ്ട് യൂനിറ്റ് ഫയര്‍ഫോഴ്‌സ് സ്ഥലത്തി. ഇതിനിടയില്‍ നാട്ടുകാര്‍ തന്നെ കെട്ടിടത്തിനുള്ളില്‍ കയറി തീ അണച്ചിരുന്നു. തുടര്‍ന്ന് ഫയര്‍ഫോഴിസിന്റെ സഹായത്തോടെ സുരക്ഷ ഉറപ്പാക്കി. അടുക്കളിയിലെ ഉപകരണങ്ങള്‍ കത്തിനശിച്ച നിലയിലാണ്. എന്നാല്‍ തൊട്ടടുത്ത് പ്രവര്‍ത്തിക്കുന്ന ബാങ്ക് കെട്ടിടത്തിന് തീ പടരാഞ്ഞത് വന്‍ ദുരന്തം ഒഴിവായി.  മനത്താന്‍കണ്ടി മജീദിനെ ഉടമസ്ഥതയിലാണ് കെട്ടിടം. കെട്ടിടത്തിന് ആവശ്യമായ സുരക്ഷാ സംവിധാനങ്ങള്‍ ഒരുക്കണമെന്ന് ഫയര്‍ഫോഴ്‌സ് ഉദ്യോഗസ്ഥര്‍ ആവശ്യപ്പെട്ടു.