തിരൂർ (മലപ്പുറം): ഓട്ടോറിക്ഷ കുഴിയിൽചാടിയുണ്ടായ അപകടത്തിൽ ഡ്രൈവർ മരിച്ച സംഭവം, ഇൻഷുറൻസ് കമ്പനിയോട് 16,10,000 രൂപ നഷ്ടപരിഹാരം നൽകാൻ വിധിച്ച് മലപ്പുറം ജില്ലാ ഉപഭോക്തൃ നഷ്ടപരിഹാര കമ്മിഷൻ.

2023 ജനുവരി രണ്ടിനാണ് കേസിനാസ്‌പദമായ സംഭവം നടന്നത്. വേങ്ങര മൂന്നാംപടി ജങ്ഷനിൽ വച്ച് ഓട്ടോറിക്ഷ ഗട്ടറിൽ ചാടിയതിനെ തുടർന്ന് നടന്ന അപകടത്തിലാണ് ഡ്രൈവർ ഒതുക്കുങ്ങൽ സ്വദേശി പാറക്കൽ ഉസ്‌മാൻ മരിച്ചത്. പരാതിക്കാരന് വേണ്ടി അഡ്വ. ദിനേശ് പൂക്കയിൽ, അഡ്വ.റംഷാദ് കല്ലേരിക്കാട്ടിൽ എന്നിവർ ഹാജരായി.

കേസിൽ ഇൻഷൂറൻസ് തുകയായ 15 ലക്ഷം രൂപയും, നഷ്ടപരിഹാരമായി ഒരു ലക്ഷം രൂപയും, പരാതിക്കാരനുണ്ടായ ചെലവിലേക്ക് പതിനായിരം രൂപയുമടക്കം 16,10,000 രൂപ നൽകാനാണ് ഐ.സി.ഐ.സി.ഐ ലൊംബാർഡ് ഹെൽത്ത് കെയർ ജനറൽ ഇൻഷൂറൻസ് ക്ലെയിംസിനോട് ജില്ലാ ഉപഭോക്തൃ പരിഹാര കമ്മിഷൻ വിധിച്ചത്.

 A court has ordered a compensation of ₹16.10 lakh to the family of an autorickshaw driver who died after his vehicle fell into a pit.