.
ബിരിക്കുളം: ഭാസ്‌കര കുമ്പളയുടെ ഇരുപതാം രക്തസാക്ഷി ദിനത്തിന്റെ ഭാഗമായി ഡി.വൈ.എഫ്.ഐ, ജനാധിപത്യ മഹിളാ അസോസിയേഷന്‍, ബാലസംഘം ബിരിക്കുളം മേഖലാ കമ്മിറ്റികളുടെ നേതൃത്വത്തില്‍ നടന്നുവരുന്ന 'മഴവില്ല്' ഗ്രാമോത്സവവും വോളിനൈറ്റും ഇന്നു സമാപിക്കും. സമാപന സമ്മേളനം വൈകീട്ട് 4.30നു ഡി.വൈ.എഫ്.ഐ നേതാവ് ജംഷീദലി ഉദ്ഘാടനം ചെയ്യും. സിനിമാതാരം വിനീത്കുമാര്‍ മുഖ്യാതിഥിയായിരിക്കും. രാത്രി 6.30 മുതല്‍ ഉത്തരമേഖലാ വോളിനൈറ്റും നടക്കും. ഇന്നലെ നടന്ന സാംസ്‌കാരിക സായാഹ്നം മഹിളാ അസോസിയേഷന്‍ ജില്ലാ സെക്രട്ടറി ഇ പത്മാവതി ഉദ്ഘാടനം ചെയ്തു. എ.ആര്‍ വിജയകുമാര്‍ അധ്യക്ഷനായി. സോവനീല്‍ പ്രകാശനം പു.ക.സ ജില്ലാ പ്രസിഡന്റ് സി.എം വിനയചന്ദ്രന്‍ നിര്‍വഹിച്ചു. ഡി.വൈ.എഫ്.ഐ നീലേശ്വരം ബ്ലോക്ക് സെക്രട്ടറി സി സുരേശന്‍ ഏറ്റുവാങ്ങി. സി.പി.എം ജില്ലാ കമ്മിറ്റി അംഗം വി.കെ രാജന്‍ മുഖ്യപ്രഭാഷണം നടത്തി. കെ.എം വിനോദ്, പി ശാര്‍ങി, എം.വി രതീഷ്, പി ശാന്ത, കെ മണി, ഗോപികാപ്രസാദ് സംസാരിച്ചു.