വടക്കാഞ്ചേരി: തലപ്പിള്ളി താലൂക്ക് എന്‍.എസ്.എസ് കരയോഗ യൂനിയന്റെ നേതൃത്വത്തില്‍ ഗുരുപൂര്‍ണിമ ദിനാചരണം വ്യത്യസ്ഥ പരിപാടികളോടെ നടന്നു. ആദ്ധ്യാത്മിക പഠന കേന്ദ്രത്തിലെ 700 വിദ്യാര്‍ഥികള്‍ പങ്കെടുത്ത ഹരിനാമകീര്‍ത്തനാലാപനമായിരുന്നു പ്രധാന സവിശേഷത. അനില്‍ അക്കര എം.എല്‍.എ ഉദ്ഘാടനം ചെയ്തു.
 താലൂക്ക് യൂനിയന്‍ പ്രസിഡന്റ് അഡ്വ. പി.ഹൃഷികേശ് അധ്യക്ഷനായി. ദേശമംഗലം ഓംകാരാശ്രമം മഠാധിപതി സ്വാമി നിഗമാനന്ദ തീര്‍ഥ ഗുരുപൂര്‍ണിമ സന്ദേശം നല്‍കി. നഗരസഭ ചെയര്‍പേഴ്‌സണ്‍ ശിവപ്രിയ സന്തോഷ്, താലൂക്ക് യൂനിയന്‍ വൈസ് പ്രസിഡന്റ് കെ.രവീന്ദ്രന്‍, സുധീഷ് മേക്കാട്ടില്‍, കെ.വിജയന്‍ മേനോന്‍, ലളിത മുകുന്ദന്‍, എന്‍.കൃഷ്ണകുമാര്‍ സംസാരിച്ചു. ആദ്ധ്യാത്മിക പഠന കേന്ദ്രത്തിലെ അധ്യാപകര്‍ക്ക് ഗുരുദക്ഷിണ സമര്‍പ്പിച്ചു.