കൊല്ലം: കുവൈറ്റില്‍ വാഹനാപകടത്തില്‍ മലയാളി നഴ്‌സ് മരിച്ചു. കൈതക്കോട് വേലംപൊയ്ക മിഥുന്‍ ഭവനത്തില്‍ ജയകുമാരി(51) ആണ് മരിച്ചത്. കുവൈറ്റില്‍ ഹോം നഴ്‌സായിരുന്നു. ജോലിക്കു പോകുമ്പോഴാണ് അപകടമുണ്ടായത്. രാവിലെ പതിനൊന്നരയോടെ കുവൈറ്റിലെ ഫര്‍വാനയില്‍ വച്ചാണ് അപകടം. ജയകുമാരി യാത്ര ചെയ്തിരുന്ന ടാക്‌സി മറ്റൊരു വാഹനവുമായി കൂട്ടിയിടിക്കുകയായിരുന്നു.

കൊല്ലം ജില്ല പ്രവാസി സമാജം കുവൈത്ത് അബ്ബാസിയ നിര്‍വാഹക സമിതിയംഗമായ ജയകുമാരി കുവൈത്തില്‍ തന്നെ ജോലി ചെയ്യുന്ന സഹോദരിയോടൊപ്പം ആയിരുന്നു താമസം. കുറച്ചു ദിവസങ്ങള്‍ക്കു മുമ്പാണ് മകന്റെ ചരമവാര്‍ഷികത്തിനായി നാട്ടില്‍ വന്നു തിരിച്ചുപോയത്. ഭര്‍താവ് പരേതനായ ബാബു. മക്കള്‍: പരേതനായ മിഥുന്‍ മീദു, മരുമകന്‍ രാഹുല്‍