മട്ടന്നൂര്‍ (കണ്ണൂര്‍): രാജ്യത്ത് ജനാധിപത്യം പുനഃസ്ഥാപിക്കാനുള്ള പോരാട്ടമാണു ലോക്‌സഭാ തെരഞ്ഞെടുപ്പെന്ന് രാജ്യസഭാ പ്രതിപക്ഷ നേതാവ് ഗുലാംനബി ആസാദ്. മട്ടന്നൂരില്‍ യു.ഡി.എഫ് തെരഞ്ഞെടുപ്പ് പൊതുയോഗത്തില്‍ സംസാരിക്കുകയായിരുന്നു അദ്ദേഹം.

രാജ്യത്തിന്റെ ഭരണഘടനയിലും മതേതരത്വത്തിലും ബഹുസ്വരതയിലും പ്രധാനമന്ത്രി മോദി വിശ്വസിക്കുന്നില്ല. അയ്യായിരത്തോളം കര്‍ഷകര്‍ ആത്മഹത്യ ചെയ്തിട്ടും കര്‍ഷക പ്രശ്‌നങ്ങള്‍ കാണാന്‍ മോദിക്കു കണ്ണില്ല. പാര്‍ലമെന്റില്‍ പോലും വരാതെ ലോകം ചുറ്റിക്കറങ്ങുകയാണ് അഞ്ചുവര്‍ഷവും മോദി ചെയ്തതെന്നും ഗുലാംനബി പറഞ്ഞു.