മണ്ണാര്‍ക്കാട്: മണ്ണാര്‍ക്കാട് കേളി കലാസാഹിത്യവേദിയുടെ പ്രഥമ കേളി അവാര്‍ഡ് കൊപ്പം അഭയം കൃഷ്ണന് തിരഞ്ഞെടുത്തതായി ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു.
ഏഴിന് വൈകുന്നേരം അഞ്ചു മണിക്ക് ജി.എം.യു.പി സ്‌കൂള്‍ ഓഡിറ്റോറിയത്തില്‍ നടക്കുന്ന ചടങ്ങില്‍ അവാര്‍ഡ് സമ്മാനിക്കും. പരിപാടി കവി ആലങ്കോട് ലീലാകൃഷ്ണന്‍ ഉദ്ഘാടനം ചെയ്യും. ടി.ആര്‍ അജയന്‍ അധ്യക്ഷനാകും. റൂറല്‍ ബാങ്ക് സെക്രട്ടറി എം. പുരുഷോത്തമന്‍, രംഗനാഥന്‍ മാസ്റ്റര്‍, ടി.ആര്‍ സെബാസ്റ്റ്യന്‍, എം.എസ് വിജയന്‍ സംബന്ധിക്കും.
തുടര്‍ന്ന് പാലക്കാട് മെഹ്ഫില്‍ അവതരിപ്പിക്കുന്ന ഗാനസന്ധ്യ അരങ്ങേറും. ഇതിനോടനുബന്ധിച്ച് നടന്ന വാര്‍ത്താ സമ്മേളനത്തില്‍ കേളി കലാസാഹിത്യ വേദി ഭാരവാഹികളായ ടി. ശിവപ്രകാശ്, പി.ഗിരീഷ്, ടി.ആര്‍ സെബാസ്റ്റ്യന്‍, എം. മനോജ്, വി.ആര്‍ വിനീത് പങ്കെടുത്തു.