പൊന്നാനി: പ്രളയം മൂലം ആകെയുള്ള വാടകവീടും തകര്‍ന്നറ ദുരിതാശ്വാസ ക്യാംപില്‍ കഴിയുന്ന ആസിയാ ബീവിക്ക് പുതിയ ജീവിതം തുടങ്ങാന്‍ പൊന്നാനിയിലെ സംവിധായകന്‍ ഷാനവാസ് രംഗത്ത്. തന്റെ പുതിയ സിനിമയില്‍ നല്ലൊരു വേഷമാണ് കിസ്മത്തിന്റെ സംവിധായകനായ ഷാനവാസ് നല്‍കുനത്. പ്രളയബാധിതര്‍ക്കായുള്ള ദുരിതാശ്വാസക്യാംപില്‍ ആസിയ ബീവി കളിച്ച ജിമിക്കി കമ്മല്‍ നൃത്തം സോഷ്യല്‍ മീഡിയയില്‍ വൈറലായിരുന്നു. ചേരാനല്ലൂര്‍ സ്വദേശിയായ ട്രാഫിക് വാര്‍ഡന്‍ ആസിയ, വാടകവീട്ടിലുണ്ടായ പ്രളയത്തെ അതിജീവിച്ചാണ് മുളന്തുരുത്തിയിലെ ക്യാമ്പിലെത്തിയത്. കിസ്മത്ത് എന്ന മികച്ച ചിത്രം സംവിധാനം ചെയ്ത ഷാനവാസ് കെ. ബാവക്കുട്ടി സംവിധാനം ചെയ്യുന്ന അടുത്ത ചിത്രത്തിലാണ് ആസിയ ബീവി അഭിനയിക്കുക.