റിയാദ്: സഊദിയിൽ കഴിഞ്ഞ 24 മണിക്കൂറിനിടെ 1,374 രോഗികൾ രോഗ മുക്തരായതായി സഊദി ആരോഗ്യ മന്ത്രാലയം അറിയിച്ചു. 39 രോഗികൾ മരണപ്പെടുകയും 1,184 പുതിയ രോഗികളെ സ്ഥിരീകരിക്കുകയും ചെയ്‌തിട്ടുണ്ട്‌.

       24,310 രോഗികളാണ് രാജ്യത്ത് രോഗികളാണ് വിവിധ ആശുപത്രികളിൽ ചികിത്സയിൽ കഴിയുന്നത്. ഇവരിൽ 1,652 രോഗികൾ അതീവ ഗുരുതരാവസ്ഥയിലുമാണ്.

      ഇതോടെ രാജ്യത്തെ വൈറസ് ബാധയേറ്റുള്ള മരണം 3,619 ആയും വൈറസ് ബാധിതർ 306,370 ആയും ഉയർന്നിട്ടുണ്ട്. ഇന്ന് 1,374 രോഗികൾ രോഗ മുക്തി നേടിയതോടെ രാജ്യത്തെ രോഗ മുക്തി നേടിയവരുടെ എണ്ണം 278,441 ആയും ഉയർന്നു.   

    അതേസമയം, സഊദിയിൽ രോഗികളുടെ എണ്ണം ദിനം പ്രതി കുറഞ്ഞ് വരുന്നത് കൊണ്ട് നിലവിൽ ആവശ്യമില്ലെന്നതിനാൽ മൂന്ന് കൊറോണ ചികിത്സ കേന്ദ്രങ്ങൾ കൂടി അടച്ചുപൂട്ടി. അൽ ഖർജിലെ കിംഗ് ഖാലിദ് ഹോസ്പിറ്റലിലെയും പ്രിൻസ് സുൽത്താൻ ഹെൽത്ത് സർവീസ് സെൻ്ററിലെയും 3 യൂണിറ്റുകളാണു അടച്ച് പൂട്ടിയതെന്ന് സഊദി ആരോഗ്യ മന്ത്രാലയം അറിയിച്ചു.

    നിലവിൽ സൗദിയിൽ കൊറോണ ബാധിച്ചവരിൽ 91 ശതമാനത്തോളം പേർ രോഗമുക്തരായിക്കഴിഞ്ഞു. ആക്റ്റീവ് കേസുകളും ക്രിറ്റിക്കൽ കേസുകളും ദിനം പ്രതി കുറഞ്ഞ് കൊണ്ടിരിക്കുകയാണ്. ഈ സ്ഥിതി തുടരുകയാണെങ്കിൽ വൈകാതെ തന്നെ രാജ്യം പരിപൂർണ്ണമായും കൊറോണ മുക്തമാകും എന്നാണു പ്രതീക്ഷ.