ന്യൂഡൽഹി: കർണാടകയിലെ പ്രളയബാധിത പ്രദേശങ്ങൾ സന്ദർശിക്കാനെത്തിയ കേന്ദ്ര പ്രതിരോധ മന്ത്രി കർണാടക മന്ത്രി സറ മഹേഷിനോടു ക്ഷുഭിതയായതിൽ വിശദീകരണവുമായി മന്ത്രാലയം. മന്ത്രിയുടെ അറിവില്ലായ്മയാണ് ഈ പ്രസ്താവനയിലൂടെ പുറത്ത് വന്നതെന്ന് പ്രതിരോധ മന്ത്രാലയം പ്രസ്താവനയിൽ ചൂണ്ടിക്കാട്ടി. പാർലമെന്റിന്റെ അന്തസ് താഴ്‌ത്തിക്കാണിക്കുന്ന പ്രസ്താവനയാണ് ഭരണഘടനാപദവി വഹിക്കുന്ന മന്ത്രിയുടേതെന്നും മന്ത്രാലയം ആരോപിച്ചു.

കുടക് ജില്ലയില്‍ അവലോകന യോഗത്തിലാണ് നിര്‍മലാ സീതാരാമന്‍ മന്ത്രിയോട് ക്ഷോഭിക്കുകയും തര്‍ക്കിക്കുകയും ചെയ്തത്.

കുടക് ജില്ലയുടെ ചുമതലയുള്ള മന്ത്രി സ റ മഹേഷുമാണ് മാധ്യമങ്ങളുടെയും ഉദ്യോഗസ്ഥരുടെയും മുമ്പില്‍ നിര്‍മലാ സീതാരാമന്‍ വാഗ്വാദത്തില്‍ ഏര്‍പ്പെട്ടത്. ജില്ലാ കമ്മിഷണറുടെ ഓഫിസില്‍ ചേര്‍ന്ന ഔദ്യോഗിക യോഗത്തിലാണ് സംഭവം.

കേന്ദ്രമന്ത്രി ആദ്യം ദുരിതബാധിതരെ കാണാന്‍ പോയപ്പോള്‍, ഉദ്യോഗസ്ഥര്‍ അവലോകന യോഗത്തിനായി കാത്തിരിക്കുകയാണെന്നും അതുകഴിഞ്ഞ് അവര്‍ക്ക് പുരനധിവാസ പ്രവര്‍ത്തനത്തിന് പോകാനുണ്ടെന്നും മന്ത്രി മഹേഷ് നിര്‍മലാ സീതാരാമനെ അറിയിച്ചു. ഉദ്യോഗസ്ഥരുമായി സംവദിച്ചു കഴിഞ്ഞ് ദുരിതബാധിതരെ കാണാമെന്നാണ് മന്ത്രി മഹേഷ് അറിയിച്ചത്.

എന്നാല്‍ ഇതോടെ നിര്‍മലാ സീതാരാമന്‍ ദേഷ്യപ്പെടാന്‍ തുടങ്ങി. ”ഞാന്‍ ചുമതലയുള്ള മന്ത്രിയെ പിന്തുടരണം, കേന്ദ്രമന്ത്രി ഒരു ചുമതലക്കാരനായ മന്ത്രിയെ ഇവിടെ പിന്തുടരണം. അവിശ്വസനീയം! നിങ്ങളുടെ കയ്യില്‍ പിന്തുടരേണ്ടതിന്റെ മിനിറ്റ് ടു മിനിറ്റ് ലിസ്റ്റുണ്ട്. ഞാന്‍ നിങ്ങളുടെ ഷെഡ്യൂള്‍ അനുസരിച്ച് ചെയ്യുന്നു”- മാധ്യമങ്ങളുടെ മൈക്കുകള്‍ ഓണായിരിക്കേ തന്നെ നിര്‍മലാ സീതാരാമന്‍ പറഞ്ഞു.