പോർച്ചുഗീസ് ഇതിഹാസം ക്രിസ്റ്റ്യാനോ റൊണാൾഡോക്ക് മേജർ ലീഗിൽ സോക്കറിൽ മികച്ച സ്വാധീനമുണ്ടാക്കാൻ സാധിക്കുമെന്ന് തുറന്നു പറഞ്ഞിരിക്കുകയാണ് മുൻ നെതർലൻഡ്സ് താരവും മുൻ മാഞ്ചസ്റ്റർ യുണൈറ്റഡ് അസിസ്റ്റന്റുമായ റെനെ മ്യൂലെൻസ്റ്റീൻ. റൊണാൾഡോ അർജന്റൈൻ ഇതിഹാസം ലയണൽ മെസിക്കൊപ്പം കളിക്കുന്നത് അവിശ്വസനീയമായിരിക്കുമെന്നും റെനെ മ്യൂലെൻസ്റ്റീൻ പറഞ്ഞു. 

''ക്രിസ്റ്റ്യാനോ റൊണാൾഡോക്ക് എംഎൽഎസ്സിൽ വിജയം തുടരാൻ സാധിക്കും. ശരിയായ ടീമും താരങ്ങളും അദ്ദേഹത്തിന് ചുറ്റും ഉണ്ടെങ്കിൽ അദ്ദേഹത്തിന് നൂറ് ശതമാനം ചെയ്യാൻ സാധിക്കും. അദ്ദേഹത്തിന് മികച്ച പാസുകൾ നൽകിയാൽ അദ്ദേഹം ഗോൾ നേടും. അദ്ദേഹത്തിന് വിജയിക്കാൻ സാധിക്കും. ലയണൽ മെസിക്കൊപ്പം മയാമിയിൽ റൊണാൾഡോ കളിക്കുന്നത് അതിശയകമായിരിക്കും. എല്ലാ ആഴ്ചയിലേയും മികച്ച മത്സരമായിരിക്കും അത്. അവരുടെ മത്സരം കാണാൻ ആരാണ് ആഗ്രഹിക്കാത്തത്'' റെനെ മ്യൂലെൻസ്റ്റീൻ ബെറ്റ്ഗോട്ടിന് നൽകിയ അഭിമുഖത്തിൽ പറഞ്ഞു. 

അതേസമയം അൽ നസറിനൊപ്പമുള്ള തന്റെ ഭാവിയെക്കുറിച്ച് റൊണാൾഡോ സംസാരിക്കുകയും ചെയ്തിരുന്നു. സഊദിയിൽ തന്നെ തുടരാനാണ് താൻ ആഗ്രഹിക്കുന്നതെന്നാണ് റൊണാൾഡോ വ്യക്തമാക്കിയത്.

''ഞാൻ സഊദി അറേബ്യയിൽ നിന്നുള്ള ആളാണ്. എനിക്ക് ഇവിടെ തന്നെ തുടരണം. എന്നെയും എന്റെ കുടുംബത്തെയും സുഹൃത്തുക്കളെയും സ്വാഗതം ചെയ്ത ഒരു രാജ്യമാണിത്. ഞാൻ ഇവിടെ സന്തോഷവാനാണ്. ഇവിടെ തന്നെ തുടരാൻ ഞാൻ ആഗ്രഹിക്കുന്നു" റൊണാൾഡോ പറഞ്ഞു. 

2027 വരെ റൊണാൾഡോക്ക് അൽ നസറുമായി കരാർ ഉണ്ട്. എന്നാൽ അടുത്തിടെ ലീഗിന്റെ നടത്തിപ്പുമായി ബന്ധപ്പെട്ട പല കാര്യങ്ങളിലും ക്രിസ്റ്റ്യാനോയ്ക്ക് അഭിപ്രായ വ്യത്യാസം ഉണ്ടെന്നും ഇത് രൂക്ഷമായതോടെ താരം ക്ലബ് വിടാൻ ആലോചിക്കുന്നുവെന്നും സഊദി മാധ്യമങ്ങൾ റിപ്പോർട്ട് ചെയ്തിരുന്നു. 

ലീഗിന്റെ സാമ്പത്തിക കാര്യങ്ങൾ നിയന്ത്രിക്കുന്ന പബ്ലിക് ഇൻവെസ്റ്റ്‌മെന്റ് ഫണ്ട് അൽ നസറിനോട് പക്ഷപാതം കാട്ടുന്നതായും ടീമിലേക്ക് പുതിയ താരങ്ങളെ കൊണ്ടുവരാൻ അനുവദിക്കുന്നില്ലെന്നും റൊണാൾഡോ പരാതിപ്പെട്ടതായാണ് വിവരം. ഇത് ലീഗ് സംഘാടകരെ ചൊടിപ്പിച്ചു. റൊണാൾഡോ വെറുമൊരു താരമാണെന്നും ലീഗിന്റെ നടത്തിപ്പിൽ ഇടപെടേണ്ടതില്ലെന്നും സൗദി പ്രൊ ലീഗ് അധികൃതർ പറഞ്ഞിരുന്നു. 

Former Netherlands star and former Manchester United assistant Rene Meulensteen has openly stated that Portuguese legend Cristiano Ronaldo could have a huge impact on Major League Soccer. Rene Meulensteen also said that it would be incredible to see Ronaldo play alongside Argentine legend Lionel Messi.