ഡൽഹി: രാഷ്ട്രപതി ഭവന്റെ മുറ്റത്തുണ്ടായിരുന്ന ബ്രിട്ടീഷ് ശില്പി എഡ്വിൻ ലട്യൻസിന്റെ പ്രതിമ നീക്കം ചെയ്തു. പകരം സി. രാജഗോപാലാചാരിയുടെ പ്രതിമ സ്ഥാപിച്ചു. 'മൻ കി ബാത്തിലൂടെ' പ്രധാനമന്ത്രി നരേന്ദ്ര മോദിയാണ് ഈ വിവരം പങ്കുവെച്ചത്. 

സ്വാതന്ത്ര്യം കിട്ടിയിട്ടും രാഷ്ട്രപതി ഭവനിൽ ബ്രിട്ടീഷ് ഭരണാധികാരികളുടെ അടയാളങ്ങൾ തുടരുന്നത് ശരിയല്ലെന്ന് പ്രധാനമന്ത്രി മുൻപ് വ്യക്തമാക്കിയിരുന്നു. ഇത്തരം കൊളോണിയൽ അടയാളങ്ങൾ നീക്കം ചെയ്യുന്നതിന്റെ ഭാഗമായാണ് പുതിയ നടപടി.

ALSO READ: മഞ്ഞും മഴയും തടസ്സമായില്ല; 326 ദിവസം കൊണ്ട് വധിച്ചത് ഏഴ് ഭീകരരെ ; വൻ വിജയമായി 'ഓപ്പറേഷൻ ത്രാഷി-1'

രാഷ്ട്രപതി ദ്രൗപതി മുർമു ആണ് സി. രാജഗോപാലാചാരിയുടെ പ്രതിമ അനാവരണം ചെയ്തത്. പ്രതിമ സ്ഥാപിച്ചതിന്റെ ഭാഗമായി നാളെ മുതൽ മാർച്ച് 1 വരെ രാജഗോപാലാചാരിയെ കുറിച്ച്  രാഷ്ട്രപതി ഭവനിൽ പ്രത്യേക പ്രദർശനം നടക്കും. അദ്ദേഹത്തിന്റെ സ്വതന്ത്ര ചിന്താഗതിയും പെരുമാറ്റ രീതികളും സമൂഹത്തിന് എന്നും മാതൃകയാണെന്ന് പ്രധാനമന്ത്രി പറഞ്ഞു. ഡൽഹിയിലെ പ്രമുഖമായ പല കെട്ടിടങ്ങളും രൂപകൽപ്പന ചെയ്ത ശില്പിയായിരുന്നു എഡ്വിൻ ലട്യൻസ്.

The statue of British architect Edwin Lutyens has been removed from Rashtrapati Bhavan and replaced with that of C Rajagopalachari, India's first Indian Governor-General, as announced by PM Narendra Modi in his 'Mann Ki Baat' address.