മണ്ണാര്‍ക്കാട്: ഭാരതീയാര്‍ യൂനിവേഴ്‌സിറ്റിയുടെ ബി.എസ്.സി മൈക്രോ ബയോളജി വിത്ത് നാനോ ടെക്‌നോളജി പരീക്ഷയില്‍ ഒന്നും, രണ്ടും റാങ്ക് മണ്ണാര്‍ക്കാട്ടുകാര്‍ക്ക്. കുമരംപുത്തൂര്‍ സ്വദേശി ജിനി വിജു. പി.സി ഒന്നാം റാങ്കും, തച്ചനാട്ടുകര സ്വദേശിനി ഫര്‍സാന നസ്‌റീന്‍ രണ്ടാം റാങ്കും നേടി. ഇരുവരും കോയമ്പത്തൂര്‍ കുനിയംമ്പത്തൂരിലെ നെഹ്‌റു ആര്‍ട്‌സ് ആന്റ് സയന്‍സ് കോളജിലെ വിദ്യാര്‍ഥികളാണ്.
കുമരംപുത്തൂര്‍ കങ്ങഴകുന്നേല്‍ വീട്ടില്‍ പി.സി വിജുവിന്റെയും, ജെസ്സി വിജുവിന്റെയും മകളാണ് ജിനി വിജു. കുമരംപുത്തൂര്‍ കല്ലടി ഹയര്‍ സെക്കണ്ടറി സ്‌കൂളിലാണ് പത്താം തരവും ഹയര്‍ സെക്കണ്ടറിയും പൂര്‍ത്തിയാക്കിയത്. തുടര്‍ന്ന് പ്ലസ് വണ്‍ന് പഠിക്കുന്ന ജിതിന്‍ വിജു ഏക സഹോദരനാണ്.
രണ്ടാം റാങ്കുകാരി ഫര്‍സാന നസ്‌റീന്‍ തച്ചനാട്ടുകരയിലെ അണ്ണാന്‍തൊടിയുടെയും ഫാത്തിമ നാസറിന്റെയും മകളാണ്. ദുബൈ ഫുജൈറയിലെ ദിബ്ബയിലാണ് നസ്‌റീന്‍ ഹയര്‍ സെക്കന്‍ഡറി പഠനം പൂര്‍ത്തിയാക്കിയത്. യൂത്ത്‌ലീഗ് പ്രവര്‍ത്തകന്‍ പി.ടി അനസാണ് ഭര്‍ത്താവ്.