പത്തനംതിട്ട: ഭാര്യ മണ്ണെണ്ണയൊഴിച്ച് തീകൊളുത്തിയതിനെ തുടര്‍ന്ന് ചികിത്സയിലായിരുന്ന ഭര്‍ത്താവ് മരിച്ചു. തിരുവല്ലയിലെ വളളംകുളം സ്വദേശി കെ.കെ സോമനാണ് മരിച്ചത്. ഉറങ്ങുമ്പോള്‍ ഭാര്യ മണ്ണെണ്ണയൊഴിച്ച് തീകൊളുത്തിയെന്നാണ് സോമന്റെ മരണമൊഴി. മൊഴിയുടെ അടിസ്ഥാനത്തില്‍ ഇയാളുടെ ഭാര്യ രാധാമണിയെ തിരുവല്ല പൊലിസ് അറസ്റ്റ് ചെയ്തു.

കഴിഞ്ഞമാസം 24നാണ് കേസിനാസ്പദമായ സംഭവം. കുടുംബവഴക്കിനെ തുടര്‍ന്നാണ് ഭര്‍ത്താവിന് നേരെ ആക്രമണം ഉണ്ടായതെന്ന് പൊലിസ് പറയുന്നു. കോട്ടയത്ത് സ്വകാര്യ ആശുപത്രിയില്‍ ചികിത്സയിലിരിക്കേ ചൊവ്വാഴ്ചയാണ് മരിച്ചത്.