കരിപ്പൂര്‍: ഡി.ആര്‍.ഐ ഉദ്യോഗസ്ഥരെ കാറിടിച്ച് കൊല്ലാന്‍ ശ്രമിച്ച കേസില്‍ പ്രതികളെ സ്വര്‍ണം കടത്താന്‍ സഹായിച്ച നാലുപേര്‍ പിടിയില്‍. വിമാനത്താവള ശുചീകരണ തൊഴിലാളികളായ മലപ്പുറം പൂക്കോട്ടൂര്‍ സ്വദേശി സാരിഖ്, തേഞ്ഞിപ്പലം സ്വദേശി അബ്ദുസലാം, അരീക്കോട് സ്വദേശി പ്രഭാത്, കൊണ്ടോട്ടി കോടങ്ങാട് ജലീല്‍ എന്നിവരെയാണ് അറസ്റ്റുചെയ്തത്.
ഇത്തിഹാദ് എയറിന്റെ അബtദാബി വിമാനത്തിലെത്തിയ പ്രതികളെ സ്വര്‍ണം പുറത്തേക്ക് കടത്താന്‍ ഇവര്‍ സഹായിച്ചതായി ഡി.ആര്‍.ഐ സംഘത്തിന് വിവരം ലഭിച്ചിരുന്നു.
സി.സി.ടി.വി ദൃശ്യങ്ങളുള്‍പ്പെടെ ശേഖരിച്ചാണ് അറസ്റ്റ്. രണ്ട് കസ്റ്റംസ് ഉദ്യോഗസ്ഥരും ഡി.ആര്‍.ഐയുടെ നിരീക്ഷണത്തിലാണ്. രക്ഷപ്പെട്ട മലപ്പുറം അരീക്കോട് പത്തനാപുരം സ്വദേശി ഫസലിനായി അന്വേഷണം ഊര്‍ജിതമാക്കി.