ജക്കാര്‍ത്ത: മെഡല്‍ പ്രതീക്ഷയുണ്ടായിരുന്ന ടേബിള്‍ ടെന്നിസില്‍ ഇന്ത്യന്‍ താരങ്ങള്‍ക്ക് കൂട്ടത്തോല്‍വി. വനിതാ സിംഗിള്‍സില്‍ മനിക ബത്രയും പുരുഷ സിംഗിള്‍സില്‍ ശരത് കമാല്‍ അച്ചന്ദ, സതിയന്‍ ജ്ഞാനശേഖരന്‍ എന്നിവരും പ്രീ ക്വാര്‍ട്ടറില്‍ തോറ്റ് പുറത്തായി. മികസഡ് ഇനത്തിലും ടീം ഇനത്തിലും ഇന്ത്യ നേരത്തെ മെഡല്‍ നേടിയിരുന്നു. ചൈനയുടെ വാങ് മന്യുവിനോട് 4-1ന് പരാജയപ്പെട്ടാണ് മനിക പുറത്തായത്. ചൈനീസ് തായ്‌പേയിയുടെ ചുവാങ് ചിയാന്‍ 4-2ന് ശരത് കമാലിനെയും ജപ്പാന്റെ കെന്റ മാറ്റ്‌സുഡൈര 4-1 ജ്ഞാനശേഖരനെയും പരാജയപ്പെടുത്തി.