മലപ്പുറം: സംസ്ഥാനത്തെ സാങ്കേതിക വിദ്യഭ്യാസ സ്ഥാപനങ്ങളില്‍ നിന്നും പഠിച്ചിറങ്ങുന്ന വിദ്യാര്‍ഥികള്‍ക്ക് തദ്ദേശ സ്ഥാപനങ്ങളില്‍ ഒരു വര്‍ഷത്തെ ഇന്റേണ്‍ഷിപ്പ് നല്‍കുമെന്ന് മന്ത്രി കെ.ടി ജലീല്‍.
സങ്കേതിക വിദ്യാഭ്യാസ മേഖലയെ ശക്തിപ്പെടുത്തുന്നതിന്റെ ഭാഗമാണിതെന്നും മന്ത്രി പറഞ്ഞു. മലപ്പുറത്ത് വാര്‍ത്താസമ്മേളനത്തില്‍ സംസാരിക്കുകയായിരുന്നു അദ്ദേഹം. എന്‍ജിനിയറിങ്, പോളിടെക്‌നിക്, ഐ.ടി.ഐ എന്നിവടങ്ങളില്‍ നിന്നും പഠിച്ചിറങ്ങുന്നവര്‍ക്കാണ് തദ്ദേശ സ്ഥാപനത്തില്‍ ഒരു വര്‍ഷത്തെ ഇന്റേണ്‍ഷിപ്പ് നല്‍കുക. ഇത് തദ്ദേശ സ്ഥാപനങ്ങള്‍ക്ക് നേട്ടമാവും. ഇന്റേണ്‍ഷിപ്പ് ചെയ്യുന്ന വിദ്യാര്‍ഥികള്‍ക്ക് ചെറിയ തുകയും നല്‍കും. ഇതിന്റെ നടപടികള്‍ പൂര്‍ത്തീകരിച്ച് വരുന്നതായും അടുത്ത അധ്യയന വര്‍ഷം മുതല്‍ ഇത് നടപ്പിലാക്കാന്‍ കഴിയുമെന്നും മന്ത്രി പറഞ്ഞു.