തിരുവനന്തപുരം: ഈ വര്‍ഷത്തെ എസ്എസ്എല്‍സി പരീക്ഷാഫലം തിങ്കളാഴ്ച പ്രഖ്യാപിക്കും. എസ്എസ്എല്‍സിക്ക് പുറമേ ടിഎച്ച്‌സ്എല്‍സി,ടിഎച്ച്‌സ്എല്‍സി (ഹിയറിംഗ് ഇംപേര്‍ഡ്), എസ്എസ്.എല്‍സി(ഹിയറിംഗ് ഇംപേര്‍ഡ്), എ.എച്ച്.എസ്.എല്‍സി എന്നീ പരീക്ഷകളുടെ ഫലവും തിങ്കളാഴ്ച പ്രഖ്യാപിക്കും.
ഉച്ചയ്ക്ക് രണ്ട് മണിയോടെ ഫലം അറിയാം. വിദ്യാഭ്യാസമന്ത്രി രവീന്ദ്രനാഥാണ് പരീക്ഷാഫലം ഔദ്യോഗികമായി പ്രഖ്യാപിക്കുക.
www.results.kite.kerala.gov.in എന്ന വെബ്‌സൈറ്റിലൂടെ ഫലമറിയാന്‍ സാധിക്കും. ഇതിനു പുറമേ keralapareeksahabhavan.in, sslcexam.kerala.gov.in, results.kerala.nic.in, prd.kerala.gov.in എന്നീ സൈറ്റുകളില്‍ നിന്നും പരീക്ഷഫലങ്ങള്‍ ലഭ്യമാവും.

എസ്എസ്എല്‍സി(എച്ച്‌ഐ), ടിഎച്ച്‌സ്എല്‍സി (ഹിയറിംഗ് ഇംപേര്‍ഡ്) എന്നിവയുടെ ഫലം sslchiexam.kerala.gov.in എന്ന ലിങ്കിലും ടിഎച്ച്എസ്എല്‍സി ഫലം thslcexam.kerala.gov.in എന്ന ലിങ്കിലും ലഭ്യമാവും.

ഇതിനു പുറമെ 'സഫലം 2019' എന്ന മൊബൈല്‍ ആപ് വഴിയും ഫലമറിയാം.
ഗൂഗിള്‍ പ്ലേ സ്റ്റോറില്‍ നിന്നു 'Saphalam 2019' എന്നു നല്‍കി ആപ് ഡൗണ്‍ലോഡ് ചെയ്യാം.