ദമസ്‌കസ്: സിറിയയിലെ ഇദ്‌ലിബ് പ്രവിശ്യയില്‍ ആറുദിവസമായി വിമതര്‍ക്കെതിരേ സര്‍ക്കാര്‍ സൈന്യം നടത്തുന്ന വ്യോമാക്രമണങ്ങളില്‍ സ്ത്രീകളും കുട്ടികളുമടക്കം ഒന്‍പതു പേര്‍ മരിച്ചു. വിമതരുടെ ശക്തികേന്ദ്രമായ ഇവിടെ റഷ്യന്‍ സൈന്യത്തിന്റെ പിന്തുണയോടെയാണ് വ്യോമാക്രമണം നടത്തുന്നത്.
ആക്രമണങ്ങളില്‍ കഫിര്‍ നബില്‍, ഖാന്‍ ഷെയ്ഖന്‍ ടൗണുകളില്‍ നടന്ന ആക്രമണങ്ങളിലാണ് ഒന്‍പതു പേര്‍ കൊല്ലപ്പെട്ടത്. മരണസംഖ്യ കൂടാന്‍ സാധ്യതയുണ്ടെന്നാണ് റിപ്പോര്‍ട്ട്.കഫിര്‍ നബില്‍ രണ്ടുപേരും ഖാന്‍ ഷെയ്ഖനില്‍ ഒരു സ്ത്രീയും രണ്ടു കുട്ടികളുമടക്കം ഏഴുപേരുമാണ് കൊല്ലപ്പെട്ടിരിക്കുന്നത്.